على صدر الورق سال احتضاري
سكبته حرف من نبرة أنيني
***
يذوب الشمع في ليل انتظاري
لصبح في متاهاته حنيني
***
قطعته درب في عمر الصحاري
سراب بدد في عيني يقيني
***
كتبته غربة تعني انكساري
وقريته عبرةٍ حارت فعيني
***
أتوه ب لهفتي وأنثر سواري
وكحل من عيون الشوق فيني
***
فعذرٍ من قميص الصدق عاري
سترته عن هدب عيني فعيني
***
ضويته بالوفا من نور جاري
وحضنته بين آهاتي وبيني
***
لبست من النّدى زيٍّ يواري
عن عيون الشفق حمرة جبيني
***
قطفني حلم في ليل انتحاري
ونسج إكليل من زهرة سنيني
***
فدته الروح ...يفداه انكساري
وبحة صوت مع شوفه تجيني
ضحى الوابلي
وصاتي
من قبل لا تبعد دروبك خطاويك وتشتت أحلام العمر في يدينك
اسمع ترا عندي كلامٍ بوصيك وأحفظ وصاتي بين قلبك وبينك
إن كان لي عندك غلا كثر مااغليك أبغيك تذكرني بقايا سنينك
وان عاندت دنياك حبٍ سكن فيك والقلب عيا يتبع إلا حنينك
مثلك عصاني قلبي وقام يرجيك من وين ما اقفيت يبقى قرينك
روّح ولو راحت معك روح مغليك بس لا تهل الدمع من مقلتينك
تكفى حبيبي مثل ما كنت ابغيك اهتم في حالك .. وربي يعينك
مابي أحاتي من بعد ما أخليك تكفى تفائل لا تعقّد جبينك
وان مرت الايام كنها تعاديك ولا لقيت اللي يشدها يمينك
